İnsanoğlunun tarix boyunca aclıq, qıtlıq və yoxluqla mücadilə etdiyini nəzərə alsaq, belə bir fikrin olması təbii görünür. Aclıq və yoxluq bu gün də bəzi ölkələrdə var olsa da, indi artıq bəslənmə, qida defisiti, infeksiyon xəstəliklərə bağlı tibbi problemlərin yerini, modern cəmiyətlərdə artıq kilo və piylənmənin gətirdiyi fəsadlar tutmuşdur. Günümüzdə önlənəbilən ölümlərin siqaretdən sonra gələn ikinci önəmli səbəbi piylənmədir. Diqqət çəkən bir məqam da son illərdə piylənmə xəstəliyinin uşaq və yeniyetmələr arasında artmasıdır. Bu problemin aktuallığını ortaya qoyaraq, vurğulamaq istədiyim məqam piylənmənin müalicəsindən daha çox profilaktikasının önəmini ortaya qoymaqdır. Bu problem metabolik-endokrinoloji xəstəlik olsa da terapevt, kardioloq, nevroloq, psixiatr, qastroenteroloq, oftalmoloq, fizioterapevt və reabilitasya, ortoped və bir çox ixtisas həkimlərini maraqlandırmaqdadır. Sadə dildə desək, piylənmə orqanizmdə artıq yağ toplanmasıdır. Orta bədən kütləsinə sahib kişilərdə piy toxuması 15-20%, qadınlarda isə 25-30% arasındadır. Bədən yağ kütləsini hesablamaq xüsusi alətlərlə olduğu üçün piylənmə, artıq yağdan daha çox artıq çəki olarak qəbul edilir. Bu xəstəlik bir çox, xüsusən inkişaf etmiş ölkələrdə yayılıb və yaşlı əhalinin demək olar ki, böyük bir qismini əhatə edir.
Qeyri-düzgün qidalanma, normadan artıq yemək və azhərəkətli həyat tərzi piylənməni yaradan səbəblərdəndir. Bəzən isə piylənmənin səbəbi kimi müxtəlif endokrin problemlər və dərman preparatlarının qəbulu qeyd olunur.
